जाड़ के दिन आगे
-अमित चन्द्रवंशी "सुपा"
जाड़ के दिन आगे हवय संगी,
बिहनिया अऊ रतिया कन गोरसी ल सिपचथे।
शॉल सेटर म मुड़ गोड़ ल डांक के रहथे,
जाड़ के दिन म आगी तपत रहथे।
जेखर खेत के राहेर आघु पोठाथे,
आगु पाछु ल देख के खेत जाथे।
खोजत खोजत खेत ल चिनथे,
ओखर ल लइका मन चोरा के लाथे।
देवारी ह अभी अभी गे हवय,
थोड़किन दिन म नया साल आही।
जाड़ के दिन आगे सुघ्घर लगथे,
मनखे मन ठिठुरत ठिठुरत बैठे रहथे।
गन्ना के भाव बड़गे हवय सहर म,
गांव म लोग गन्ना चुसे बर मेछराथे।
सहर म रहके मनखे मन विरासत भूल जाथे,
गांव म जिन्गी जीये ल बुजुर्ग मन पश्चाथे।
सहर के मन कुछु कुछु खाये के ल नई जानय,
गांव म रहबे त आनी बानी खाये के जानबे।
आगु पाछु जोंधरी भुटा चना मिलत रहथे,
मोर गांव संगी अब्बड़ सुघ्घर दिखथे।
-अमित चन्द्रवंशी "सुपा"
उम्र-17वर्ष 'विद्यार्थी'
रामनगर,कवर्धा जिला-कबीरधाम
छत्तीसगढ़ मो.-8085686829
कोई टिप्पणी नहीं:
एक टिप्पणी भेजें